Man City synon ta përmbysë rezultatin ndaj Tottenhamit
Mauricio Pochettino i ka këshilluar lojtarët e tij në Tottenham që të kenë besim në vete për përballjen me Manchester Cityn, që synon ta përmbysë rezultatin sonte.
Tottenhami është në epërsi 1:0 ndaj Manchester Cityt, pas ndeshjes së javës së kaluar
Guardiola: Është një javë që do na e definojë sezonin
Pochettino: Duhet të besojmë se mund t’i ndalim
Kane nuk do të luajë për Tottenhamin, ende nuk dihet për Allin dhe Lamelan
Ajaxi e pret fituesin në gjysmëfinale
Manchester City i ka fituar 11 ndeshjet e fundit të zhvilluar në shtëpi, mirëpo për ta fituar të 12-ën, ata duhet ta përmirësojmë dukshëm paraqitjen nga ndeshja e parë kundër Tottenhamit, që ishte përshkuar si “nën stres” nga Ilkay Gundogan.
Pep Guardiola i kishte bërë disa ndryshime në formacionin e parë për ndeshjen e javës së kaluar, mirëpo këtë herë do ta provojë recetën e zakonshme, që do të thotë se Kevin de Bruyne do të jetë titullar.
Tottenhamit do t’i mungojë Harry Kane dhe Pochettino është ende duke i pritur rezultatet e testeve mjekësore të Dele Alli dhe Erik Lamelas. Megjithatë, në mungesën e Kanë në fundjavë, Lucas Moura e shënoi një het-trik.
Manchester City
Formacioni i mundshëm: Ederson; Walker, Stones, Laporte, Mendy; De Bruyne, Fernandinho/Gündogan, David Silva; Bernardo Silva, Agüero, Sterling
Jashtë: Bravo
Në dyshim: Fernandinho, Zinchenko
Mungon në ndeshjen e radhës nëse ndëshkohet me të verdhë: Aguero, Otamendi
Ndeshja e fundit: Crystal Palace 1:3 Manchester City
Forma: FHFFFFFFFF
Tottenham
Formacioni i mundshëm: Lloris; Trippier, Alderweireld, Vertonghen, Rose; Sissoko, Wanyama; Eriksen, Lucas, Son; Llorente
Jashtë: Aurier, Dier, Kane, Winks
Në dyshim: Alli, Lamela
Mungon në ndeshjen e radhës nëse ndëshkohet me të verdhë: Alderweireld, Lamela, Son
Ndeshja e fundit: Tottenham 4:0 Huddersfield Town
Forma: FFFHHFBHHF
(Kosova Sot)