I lënduar, Kane e festoi nga shtëpia triumfin e ‘çmendur’ të Tottenhamit
Harry Kane ka qenë i papërmbajtshëm mbrëmë dhe ka festuar si i ‘çmendur’, pasi skuadra e tij, Tottenhami, arriti të kualifikohet në gjysmëfinale të Ligës së Kampionëve.
Tottenham Hotspur ka kaluar në gjysmëfinale të Ligës së Kampionëve për herë të parë që prej vitit 1962, falë golave të shënuara si mysafirë në një ndeshje dramatike në çerekfinale kundër Manchester City të mërkurën mbrëmë.
Skuadra e Mauricio Pochettinos humbi 4:3 në ndeshjen e kthimit në Etihad, por e kishte fituar 1:0 ndeshjen e parë në Tottenham Hotspur Stadium, dhe kaloi tutje falë vlerës së golave në udhëtim.
Në këtë ndeshje, mungoi sulmuesi kryesor i skuadrës, Harry Kane, që u lëndua javën e kaluar, në takimin e parë mes tyre.
ë¡EUFÓRICO! Harry Kane, lesionado, CELEBRÓ desde casa el pase a SEMIFINALES del Tottenham. #JUGONES pic.twitter.com/UUIINw2QcT
— El Chiringuito TV (@elchiringuitotv) April 18, 2019
Ai, pas ndeshjes, ka publikuar një video në rrjetet sociale duke festuar nga shtëpia triumfin e skuadrës së tij.
Kualifikimi në gjysmëfinale të Ligës së Kampionëve, është një arritje historike për Tottenhamin.
Hera e fundit kur Spurs ishin në gjysmëfinale, më 1962, Liga e Kampionëve quhej Kupa Evropiane.
(Kosova Sot)