Januzaj e humb edhe ndeshjen kundër Barcelonës

Barcelona do ta presë në shtëpi sonte në orën 20:45 Real Sociedadin, për ndeshjen e vlefshme për xhiron e 33-të të La Ligës. Në këtë ndeshje do të mungojë Adnan Januzaj, i cili për shkak të problemeve me gjurin s’ka luajtur që tri ndeshje në ligën spanjolle.

Pas një nate të mrekullueshme në Evropë, Barcelona do të tentojë t’i kthehet fitoreve edhe në La Liga, kundër Real Sociedadit, për t’iu afruar për tri pikë titullit të kampionit spanjoll.

Barcelonës i duhet vetëm nëntë pikë nga këto gjashtë ndeshje të mbetura për ta fituar titullin e kampionit të La Ligës dhe katalonasit do të tentojnë t’i shkojnë sa më afër këtij titulli para gjysmëfinaleve të Ligës së Kampionëve, kundër Liverpoolit.

(Kosova Sot)