Feronikeli pa problem e mposht KEK-un, Drita dhe Trepça ‘89 ndajnë pikët
Janë mbyllur dy ndeshjet e radhës që u zhvilluan gjatë ditës së sotme në kuadër të xhiros së 28 në Ipko Superligën e Kosovës.
Feronikeli, që po lufton për titull, fitoi me lehtë ndaj skuadrës tashmë të rënë një Ligë më poshtë, KEK-ut.
Nikli mori tri pikët duke e mposhtur KEK-un 4-0, në një ndeshje ku shkëlqeu Kastriot Rexha duke realizuar het-trik, që të tre golat nga penalltia, derisa golin tjetër e shënoi Jean Carioca.
Kjo fitore e rikthen Niklin në kreun e tabelës në Ipko Superligën e Kosovës.
Në ndeshjen tjetër Drita dhe Trepça ’89 kanë ndarë pikët, pasi barazuan 1-1 në Gjilan.
Traore kaloi ‘minatorët’ të parët në epërsi, ndërkohë Xhevdet Shabani barazoi në pjesën e dytë të lojës.
(Kosova Sot)