Marcelo: Real Madridi është shtëpia ime
Marcelo i ka hedhur poshtë thashethemet se do të largohet nga klubi, duke thënë se Real Madridi është shtëpia e tij dhe se është shumë i lumtur që e bartë fanellën e bardhë.
Mbrojtësi i majtë e ka pasur një sezon zhgënjyes, por bëri një paraqitje të shkëlqyer në fitoren e Real Madridit 3:0 kundër Athletic Bilbaos të dielën në Santiago Bernabeu.
Paraqitja e tij e mirë është shpresë se ai mund t’i ofrojë edhe më shumë klubit në të ardhmen. Në një intervistë pas ndeshjes, Marcelo e theksoi lumturinë që ka për të luajtur për Los Blancos.
“A do të largohem? Nuk kam nevojë të flas për të ardhmen time sepse të gjithë e dinë sesa i lumtur jam kur e veshi këtë fanellë”, tha Marcelo për BeIN Sports.
“Real Madridi është shtëpia ime”, këmbënguli ai.
(Kosova Sot)