Fenerbahçe insiston për Muriqin
Futbollisti kosovar po shkëlqen në fanellën e Rizesporit dhe gjatë verës pritet të transferohet në një klub më të madh
Vedat Muriqi është njëri prej futbollistëve shqiptarë më të mirë të momentit.
Sulmuesi i rrezikshëm është bërë protagonist i Rizesporit, të cilit ia siguroi një pikë edhe fundjavën që shkoi me golin e shënuar në barazimin 1:1 ndaj Istanbul Basaksehir.
Mirëpo, ky mund të jetë sezoni i fundit i përfaqësuesit kosovar tek Rizespori.
Paraqitjet e mira në elitën e futbollit turk kanë bërë që prizrenasit t’ia mësyjnë klubet e mëdha turke.
Sipas portalit turk “futbolarena.com”, për sulmuesin shtatgjatë po insiston gjiganti turk, Fenerbahçe
Muriqi ka realizuar 13 gola këtë sezon, ndërkohë që ka dhuruar edhe 7 asistime.
24 vjeçari, i gjatë 194 centimetra ka kontratë me Rizesporin deri në vitin 2020.
(Kosova Sot)