“Për ta mundur Cardiffin, jemi stërvitur në një fushë me barin e paprerë dhe të palagur”

  • 22 prill 2019 - 20:49
“Për ta mundur Cardiffin, jemi stërvitur në një fushë me barin e paprerë dhe të palagur”

Liverpoolin vazhdon të mbajë gjallë ëndrrën për titull, edhe pse gjithçka është në dorën e Manchester City. Nëse skuadra e Pep Guardiolës fiton ndeshjet e mbetura, do të shpallet kampion i Premierligës çfarëdo që do të bëjë Liverpooli.

Trajneri i Liverpool, Jurgen Klopp, pas fitores 0-2 kundër Cardiff ka zbuluar një sekret lidhur me strategjinë e “Redsave” për të triumfuar në këtë udhëtim të vështirë, që doli të jetë i suksesshëm.

Ai tha se para ndeshjes me Cardiffin, janë stërvitur në një fushë me barin e paprerë dhe të palagur.

“Për të përgatitur ndeshjen kundër Cardiff jemi stërvitur në një fushë me barin e paprerë dhe të palagur. Ishte e qartë që këtu do të shkonte kështu. Janë gjëra që ndodhin përballë kundërshtarëve të këtij lloji”, zbuloi tekniku i Liverpool.

“Për këtë motiv u stërvitëm në të njëjtat kushte me të cilat do të ishim përballur dhe kjo na ndihmoi. U stërvitëm për një orë e 10 minuta në një fushë shumë të thatë për të mësuar futbollistët. Është vendimtare të gjendesh gati dhe të mos befasohesh nga të papriturat”, deklaroi trajneri i Liverpool, Jurgen Klopp. 

(Kosova Sot)