Allegri shpërthen ndaj analistit: Ju lexoni libra por s’dini gjë për futboll, mbylleni gojën, unë flas tani
Trajneri i Juventusit, Massimiliano Allegri, është përfshirë në një debat të nxehtë me një analist sporti, pas barazimit të skuadrës së tij 1:1 me Interin në Serie A. Trajneri italian e ka quajtur analistin të padijshëm rreth lojës së futbollit në praktikë, pas kritikave që mori nga ai.
Analisti i sportit në Sky Sport Italia, Lele Adani, e kritikoi qasjen negative të shumë trajnerëve italian në Evropë, përfshirë të trajnerit të Juventusit
Allegri, Juventusi i të cilit u eliminua nga Liga e Kampionëve në çerekfinale pas humbjes nga Ajaxi në shtëpi, nuk u përmbajt dhe i reagoi ashpër Adanit.
“Në Itali të gjithë janë bërë teoricien të futbollit dhe ky është problem i vërtetë. Tani, ju mbylleni gojën sepse unë po flas. Ju nuk dini gjë për futboll”, iu përgjigj me zemërim Allegri atij.
“Ju uleni pas tavolinës suaj, i lexoni librat tuaj, por nuk dini asgjë për sportin në praktikë. Unë i kam fituar gjashtë tituj në Serie A”, shtoi ai.
Allegri vs Adani integrale
— MinaInterista (@MinaInterista) April 27, 2019
Allegri pessimo davvero. Manca gravemente di risperro ad Adani. “Ho vinto 6 scudetti”. Ma chi sei?! pic.twitter.com/Y8Aj1RGQaC
(Kosova Sot)