Zyrtare: Van Dijk, futbollisti i vitit në Premierligë

  • 28 prill 2019 - 22:28
Zyrtare: Van Dijk, futbollisti i vitit në Premierligë

Virgil van Dijk është shpallur Futbollisti i Vitit 2019 nga Shoqata e Futbollistëve Profesionistë, duke e mposhtur sulmuesin e Manchester City, Raheem Sterling, në garë për këtë çmim.

Çmimi iu dhurua qendërmbrojtësit të Liverpoolit këtë mbrëmje, i cili e ka marrë mbështetjen e futbollistëve profesionistë për kontributin e tij të shquar në mbrojtjen më të mirë në Premierligë këtë sezon.

Holandezi ishte në mesin e gjashtë futbollistëve të nominuar në listën e ngushtë bashkë me Sadio Mane, Raheem Sterling, Sergio Aguero, Bernardo Silva dhe Eden Hazard.

Triumfi i Van Dijk nënkupton se ky çmim mbetet në Liverpool, pasi Mohamed Salah e kishte fituar vitin e kaluar. 

(Kosova Sot)