Ylli i Manchester City pajtohet t’i bashkohet Interit
Mbrojtësi anësor Danilo ka pranuar ulje page për t’iu bashkuar Interit, por Manchester City nuk dëshiron ta lëshojë atë pa e parë nëse do të ketë oferta më të mira për shërbimet e tij.
Sipas gazetarit të mirënjohur italian, Gianluca Di Marzio, Danilo i ka thënë po Interin dhe është i gatshëm të pranojë pagë më të ulët ajo që e merr momentalisht në City (4.5 milionë euro në sezon), në mënyrë që ta përmbushë ëndrrën për të luajtur në Serie A.
Megjithatë, gazetari i Sky Sport Italia paralajmëron se edhe pse City nuk do ta pengojë largimin e brazilianit, do të presë deri në fund të sezonit për ta pranuar ofertën e zikaltërve në vlerë 15 milionë euro plus bonuset.
Kjo, po ashtu, shkon edhe në favor të shefit ekzekutiv të Interit, Beppe Marotta, i cili po pret të shohë nëse klubi kualifikohet në Ligën e Kampionëve dhe se kush do të jetë trajneri i ri i skuadrës.
(Kosova Sot)