Erza Muminoviq, e artë në Kupën Evropiane
Xhudistja kosovare Erza Muminoviq ka arritur ta fitojë medaljen e artë në kategorinë e peshave deri në 48 kilogramë, në Cluj-Napoca të Rumanisë.
Kosovarja e përfaqësoi Kosovën në Rumani, ku u zhvillua Kupa Evropiane U-18 në xhudo për vitin 2019. Në meçin e parë, Muminoviq e mposhti xhudistin turke, Yaren Komurcu, ndërsa në rundet e radhës pati punë me xhudiste italiane, Chiara Zuccaron dhe Giufia Carna.
Në gjysmëfinale, kosovarja u tregua shumë e fortë për xhudistin nga Gjeorgjia, Diana Gagoshidze-Filkina, të cilën e mposhti pas 4 minutave.
Epërsia e të qenit vendase nuk i mjaftoi rumunes Jasmina Covaciu që ta fitojë finalen kundër Muminoviqit. Kosovarja e përfundoi garën në këtë turne duke e marrë me vete medaljen e artë.
(Kosova Sot Online)