Chelsea pushton pozitën e tretë

Chelsea e ka mposhtur 3-0 Watfordin në “Stamford Brudge” dhe është afër arritjes së objektivit, pjesëmarrjes në Champions League për sezonin 2019/20, diçka që nuk e bëri Manchester United, që do të bëjë gara në Europa League.

“Blutë e Londrës” ishin fantastik në shtëpi dhe triumfuan 3-0 ndaj Watford.

Nuk kishte gola në pjesën e parë, kurse me të filluar pjesa e dytë, në minutën e 48’, talenti anglez, Ruben Loftus-Cheek, zhbllokoi rezultatin duke shënuar për 1-0, për t’i kaluar në epërsi “Blutë e Londrës”.

Pak minuta më vonë, në atë të 51’, shënoi mbrojtësi, David Luiz – të dy golat u asistuan nga anësori, Eden Hazard.

Golin në këtë ndeshje e gjeti edhe Gonzalo Higuain. AI shënoi për 3-0 në minutën e 75’, pas një asisti të Pedro Rodriguez.

Kështu, me këtë fitore, Chelsea ka pushtuar pozitën e tretë me 71 pikë të grumbulluara, një më shumë se Tottenhami dhe pesë më shumë se Arsenali, që pas pak luan me Brighton & Hove Albion dhe mbetet skuadra e vetme që i kërcënon për një vend në Champions .

(Kosova Sot Online)