Sharjet e tifozëve të Liverpoolit ndaj Suarezit
Pasi Luis Suarez e kishte festuar me shumë emocion golin kundër Liverpoolit ndeshjen e javës së kaluar në Camp Nou, tifozët në Anfield iu përgjigjen me sharje ish-futbollistit të skuadrës së tyre, duke e thirrur atë “mashtrues” e dukë kënduar “zhduku Suarez”.
Shumë pak lojtarë në botën e futbollit janë më irritues për kundërshtarët sesa Luis Suarezi i Barcelonës. Përderisa uruguaiani shpesh përmendet për talentin e tij si qendërsulmues, ai shpeshherë të tjerë përmendet për sjelljen e tij në fushë
Rrokullisjet në fushë, valëvitjet e kartonëve imagjinarë dhe zemërimi në përgjithësi i kundërshtarëve janë disa prej gjërave për të cilat Suarezi është i famshëm.
Gjatë kohës sa ai luante në Premierligë me Liverpoolin, Suarezi ishte plotësisht i njëjtë dhe tifozët e klubit anglez e përjetuan si është të jesh në anën e kundërt të uruguaianit.
Përderisa sulmuesi i Barcelonës i zemëroi tifozët e Liverpoolit edhe në ndeshjen e javës së kaluar me festimin e tij, anglezët mbetën edhe më të irrituar me sjelljen e tij në fushë gjatë ndeshjes së mbrëmshme.
Pas një përplasjeje me Virgil van Dijkun, në të cilën Suarezi u rrëzua lehtësisht dhe e fitoi një gjuajtje të lirë, tifozët e Liverpoolit filluan ta shajnë lojtarin që në të kaluarën e kishin adhuruar.
Ladies and gentlemen, Suarez... pic.twitter.com/pWemUV9tZ0
— ë (@FPL_FC) May 7, 2019
Liverpool fans are chanting "F*** off Suarez" and "Cheat, cheat, cheat" to their former hero ë
— GiveMeSport Football (@GMS__Football) May 7, 2019
How times change...#LFC #FCB #LIVBAR #UCL pic.twitter.com/Dc3SKWRCS3
Liverpooli e siguroi finalen e dytë radhazi të Ligës së Kampionëve, pasi e mposhti Barcelonën në ndeshjen kthyese gjysmëfinale me rezultat 4:0 në “Anfield”. Skuadra e Jurgen Kloppit kishte pësuar disfatë 3:0 në ndeshjen e parë gjysmëfinale, në “Camp Nou”.
Pas disfatës në ndeshjen e parë, shumë tifozë kishin menduar se tashmë Liverpooli e kishte humbur një vend në finale të këtij sezoni, mirëpo golat nga Divock Origi dhe Georginio Wijnaldum e përmbysën rezultatin e përgjithshëm dhe i lanë të tronditur lojtarët e Barcelonës.
Barcelona konsiderohej favorite për ta fituar titullin e Ligës së Kampionëve këtë sezon, falë edhe Lionel Messit. Megjithatë, Liverpooli arriti t’i shënojë katër gola për të fituar me rezultat të përgjithshëm 4:3 dhe e siguroi vendin në finalen e këtij sezoni.
Liverpooli do ta zbulojë kundërshtarin e finales sonte, pas përballjes mes Ajaxit dhe Tottenhamit në gjysmëfinalen tjetër. Ajaxi po fiton me rezultat 1:0 dhe ndeshjen e sotshme do ta zhvillojë në shtëpi.
(Kosova Sot Online)