Arton Zekaj e feston me Lillen kualifikimin në Champions League
Talenti shqiptar, Arton Zekaj, mund të luajë në Ligën e Kampionëve sezonin e ardhshëm.
Zekaj, që u bë pjesë e Lille verën e kaluar, nuk ka luajtur shumë ndeshje për ekipin e parë në sezonin 2018/19, por kjo edhe për shkak të një lëndimi të rëndë që e pësoi në fillim të sezonit.
Megjithatë, Zekaj, që luan pozitën e mesfushorit, është vetëm 19-vjeçar dhe sigurisht se dalëngadalë do të ketë më shumë minuta në ekipin e parë.
Ai është një talent shumë premtues dhe sezonin 2019/20 mund të luajë në Ligën e Kampionëve pasi edhe Lille ka siguruar një vend direkt për në fazën e grupeve.
Për Lillen kualifikimi në Champions ishte si një trofe dhe festuan së bashku me tifozët – natyrisht pjesë e kësaj feste ishte edhe talenti shqiptar, Arton Zekaj.
(Kosova Sot Online)