Vedat Muriqit i rritet vlera nga 900 mijë euro në 7 milionë

Paraqitjet fantastike në këtë sezon kanë bërë që të rritet vlera e Vedat Muriqit. Futbollisti kosovar tash kushton 7 milionë euro

Vedat Muriqi po kalon nëpër momente të jashtëzakonshme të karrierës së tij.

Sulmuesi kosovar arriti të shënonte gol edhe në ndeshjen e fundjavës që shkoi ndaj Galatasarayt.

Dhe, me këtë rast përfaqësuesi kosovar arriti në kuotën e 15 golave dhe 7 asistimeve në 32 ndeshje këtë sezon në Superligën turke.

25 vjeçari pëlqehet nga Fenerbahçe, por gjiganti turk duhet ta hapë mirë kasën nëse dëshiron ta transferojë sulmuesin e Rizesporit.

Sipas mediave turke, Muriqi, i cili ishte transferuar tek Rizespori për 900 mijë euro, tash vlen 7 milionë euro.

Gjithnjë sipas këtyre mediave, krahas Fenerbahçes, interesim për Muriqin kanë shprehur edhe dy klube gjermane. 

(Kosova Sot Online)