Marcelo dëshiron t’i bashkohet Ronaldos në Juventus
Mbrojtësi i majtë i Real Madridit, Marcelo, dëshiron të kalojë në Juventus gjatë afatit kalimtar të verës për të luajtur përsëri përkrah Cristiano Ronaldos.
Edhe vitin e kaluar u përfol se braziliani mund të kalojë në Juventus dhe nuk është fshehtësi se kampioni italian do të dëshironte ta kishte në radhët e veta atë sezonin e ardhshëm.
Real Madridi nuk është i gatshëm të lërë atë të largohet, por mund të bindet ta shesë nëse vjen ndonjë ofertë e duhur.
Sipas mediumit spanjoll Don Balon, Marcelo dëshiron të kalojë në Serie A në verë dhe është i etur të luajë me Ronaldon në një ekip përsëri.
Edhe pse Zinedine Zidane u kthye në pozitën e trajnerit të gjigantit spanjoll, Marcelo prapëseprapë dëshiron të provojë një aventurë të re.
Transferimi i mundshëm i Ferland Mendy nga Lyoni në Real mund të hapë rrugë për kalimin e Marcelos tek bardhezinjtë.
(Kosova Sot Online)