Tjetër tragjedi në futboll

  • 15 May 2019 - 15:05
Tjetër tragjedi në futboll

Ataku kardiak nuk po njeh moshë e profesion, çdo njeri është i rrezikuar para kësaj sëmundje vrastare që të merr jetën në pak sekonda. Bota e sportit dhe e futbollit është prekur shpesh nga lajme të tilla makabre, kur njerëz të rinj në moshë dhe që ushtrojnë sport humbin jetën nga këto sulme në zemër.

Një gjyqtar i futbollit të sallave në Brazil ka ndërruar jetë në kohën kur po drejtonte një ndeshje mes dy skuadrave lokale te Sao Paulo.

Isildo Fabiano Bianchi nuk mundi të përballojë një atak kardiak që e la të shtrirë në fushë në mënyrë të papritur. Teksa lojtarë vrapuan direkt pas tij për ta ndihmuar.

44-vjeçari u transportua menjëherë në spital, por pavarësisht ndërhyrjes së mjekëve nuk arriti t’i mbijetojë këtij sulmi në zemër.

Vetë Federata e Futbollit të Sallave në Brazil dha një deklaratë ku i shprehu ngushëllimet familjes dhe të afërmve për këtë humbje të rëndë që godet sërish sportin.

Image

(Kosova Sot Online)