Gattuso tallet me gazetarë, ja si e etiketon njërin nga ta

  • 21 maj 2019 - 12:50
Gattuso tallet me gazetarë, ja si e etiketon njërin nga ta

Trajneri i Milanit, Gennaro Gattuso, e quajti një gazetar të shurdhër gjatë konferencës për shtyp pas ndeshjes kundër Frosinones. Me këtë fitore, Milani i mban gjallë shpresat për kualifikim në sezonin e ardhshëm të Ligës së Kampionëve.

Përderisa po e diskutonte ndeshjes dhe në përgjithësi karrierën e tij si trajner i Milanit, Gennaro Gattuso sqaroi se ai është i lumtur me rrjedhën e gjërave deri më tani.

“Këta 18 muaj nuk kanë qenë një shëtitje nëpër fusha, mirëpo unë veçse e dija këtë gjë”, ka thënë Gattuso.

“Jam argëtuar shumë, me të vërtetë jam argëtuar shumë”.

Pastaj, kur u pyet nga një gazetar ta vlerësojë edhe më tej periudhën sa ka qenë trajner i Milanit, Gattuso e dha një përgjigje që i bëri të gjithë në atë dhomë të qeshin.

“Jam argëtuar shumë, ai është i shurdhër”, shtoi Gattuso.

Milani e fitoi përballjen kundër Frosinones me rezultat 2:0, falë golave të shënuar nga Krzysztof Piateku në minutën e 57-të dhe nga Suso në minutën e 66-të.

(Kosova Sot Online)