Presidenti Atleticos: Vendimi i Griezmannit është i pakthyeshëm

Presidenti i Atletico Madridit, Enrique Cerezo, ka thënë se Antoine Griezmannit i takon ta marrë vendimin se si dëshiron të përshëndetet me tifozët dhe me klubit, duke shtuar se vendimi që ai e ka marrë për t’u larguar është i pakthyeshëm.

28-vjeçari Antoine Griezmann e konfirmoi këtë muaj se ai do të largohet nga Atletico Madridi pas pesë vjetëve me këtë klub dhe destinacioni i tij i radhës besohet se do të jetë Barcelona.

Kjo verë do të sjellë shumë ndryshime në skuadrën e Atletico Madridit, pasi që edhe Diego Godin dhe Juanfran kanë vendosur t’i thotë lamtumirë klubit madrilen. Këta dy futbollistë u përshëndeten në mënyrë mjaft emocionale me tifozët e klubit.

Megjithatë, presidenti Cerezo thotë se Griezmanni duhet të vendosë për mënyrës se si dëshiron të përshëndetet me tifozët.

“Nuk e di nëse Griezmanni dëshiron të përshëndetet apo jo, e vërteta është që nuk e di. Lamtumira varet nga Griezmanni, i cili është personi që po largohet nga klubi. Nëse ai dëshiron të thotë mirupafshim, do ta bëjë këtë gjë’.

“Vendimi është i pakthyeshëm. E vetmja gjë që unë mund t’i them atij është t’i uroj fat kudo që shkon. Dhe, të paktën shpresoj se do ta trajtojnë atë siç e kemi trajtuar ne”. 

(Kosova Sot Online)