Zëvendësuesit e mundshëm të Sergio Ramos

  • 25 maj 2019 - 08:57
Zëvendësuesit e mundshëm të Sergio Ramos

Ramos është duke menduar seriozisht largimin nga “Santiago Bernabeu”.

Pas 14 sezoneve, Sergio Ramos po planifikon të lërë Real Madridin. Kina, MLS, janë disa opsione përveç klubeve në Evropë që e duan kapitenin si; Juventus, Manchester United e Paris Saint Germain.

Lajmi është bërë i ditur nga “El Chiringuito de Jugones”. Nga burime të sigurta, gazetari dhe redaktori i “El Chiringuito”, Juanfe Sanz, ka deklaruar se “Ramos po e mendon seriozisht largimin”.

Gjithçka nisi në mars të këtij viti, edhe pse Ramos ka kohë që e mendon largimin – këtë e kishte pranuar edhe në vitin 2015 pasi kishte pasur ofertë zyrtare nga Manchester United.

Pas humbjes në mars në Champions League nga Ajaxi, presidenti i Real Madrid, Florentino Perez, kishte pasur një zënkë në dhomat e ndërrimit me kapitenin Sergio Ramos.

Ai kishte qëndruar në dhomat e zhveshjes për të paktën 15 minuta, ku kishte akuzuar lojtarët për mungesë dedikimi, madje kishte shkuar aq larg sa kishte përdorur fjalën ‘e shpifur’ për të përshkruara performancën e tyre.

Por, Ramos mesa dukej nuk dukej se ishte i lumtur nga fjalët e presidentit, duke ju kthyer këtij të fundit.

Pretendohet se kapiteni spanjoll fajësoi Perez për sezonin e tyre katastrofal, duke e akuzuar atë për planifikim të dobët dhe mungesë vizioni, para së ta mbyllte me shprehjen “më paguaj dhe do iki”.

Tani AS është duke raportuar për zëvendësuesit e mundshëm të kapitenit të Los Blancos, nëse vendos t’i thotë lamtumirë Realit pas 14 viteve.

Kalidou Koulibaly (27-vjeçar), Virgin Van Dijk (27-vjeçar), Matthijs de Ligt (19-vjeçar) dhe José Giménez (24-vjeçar), janë futbollistët e mundshëm që mund të zënë vendin e Ramosit në Madrid.

Për mbrojtësin e Napolit, Reali duhet të djersitet shumë për ta marrë, ose duhet të paguajë 120 milionë euro që kërkon klubi italian.

Në anën tjetër, edhe Van Dijk duket një objektiv i vështirë. Jurgen Klopp vështirë se do ta lë të largohet, derisa nuk do të vijë në Madrid nën shumën e 120 milionë eurove.

Objektiv i mirë, edhe pse jo me shumë eksperiencë, është De Ligt. Mbrojtësi i Ajaxit kërkohet edhe nga Barcelona, ka vlerën 70 milionë euro.

Nga katër futbollistët e lartpërmendur, Giménez mund të transferohet me çmimin më të lirë, rreth 50 milionë euro.

Përveç tyre, AS raporton se Reali po e monitoron edhe Milan Skriniarin, ani pse ditë më parë rinovoi kontratën me Interin. 

(Kosova Sot Online)