Zvicra publikon listën e futbollistëve, ja sa shqiptarë janë të ftuar
Përfaqësuesja e Zvicrës, para dy ndeshjeve shumë të mëdha me Portugalinë dhe Anglinë ose Holandës, ka publikuar listën me futbollistët e ftuar.
Në kuadër të fazës finale në Ligën e Kombeve, Zvicra do të përballet më 6 qershor ndaj Portugalisë, ndërkaq katër ditë më vonë me Anglinë ose Holandën.
Fillimisht, helvetikët do ta mbajnë një kamp përgatitor në Cyrih me 25 futbollistët e ftuar nga përzgjedhësi Vladimir Petkovic.
Dy futbollistët nga Kosova, Xherdan Shaqiri dhe Granit Xhaka janë ftuar nga përzgjedhësi Petkovic, megjithatë ata nuk do të marrin pjesë në kampin e sipërpërmendur.
Gjithë kjo për shkak se Shaqiri dhe Xhaka kanë angazhime me Liverpoolin, respektivisht Arsenalin në finalet e Ligës së Kampionëve dhe Ligës së Evropës.
Ndërkaq, një futbollist tjetër shqiptar që është ftuar për dy ndeshjet e radhës të Zvicrës është Albian Ajeti, i cili po shkëlqen me skuadrën e Baselit.
(Kosova Sot Online)
