Real Madridi e kalon Manchester Unitedin, bëhet klubi më i vlefshëm në Evropë
Telashet në fushë gjatë sezonit që lamë pas nuk kanë mundur të kenë kurrfarë ndikimi në parandalimin e Real Madridit për ta rimarrë fronin si klubi më i vlefshëm në Evropë për vitin 2019.
Real Madridi tani është klubi më i vlefshëm në Evropë pasi e ka kaluar Manchester Unitedin në renditje, gjigantin anglez që në tri vjetët e fundit nuk e kishte lëshuar fronin.
Ndërkohë, Barcelona ka rënë nga podiumi, pasi tani vendin e gjigantit katalonas e zë Bayern Munich.
Sipas edicionit të fundit të Vlerësimit të Klubeve të Futbollit: Elitës Evropiane, përgatitur nga KPMG, Real Madridi vlen mbi 3.207 miliardë euro, para Manchester Unitedit që vlen 3.207 miliardë euro.
Top treshen e përmbyllë kampioni gjerman Bayern Munich, me vlerë 2.696 miliard euro.
Barcelona është e katërta dhe vlen 2.676 miliardë euro.
(Kosova Sot Online)