Kryeministri falënderon Florent Hadërgjonajn
Futbollisti më i ri i Kombëtares së Kosovës, Florent Hadërgjonaj i cili la Zvicrën për t’ju bashkuar ekipit të Kosovës është pritur sot nga kryeministri Ramush Haradinaj i cili e ka falënderuar djaloshin deçanas për zgjedhjen që ka bërë.
“I rritur në Zvicër dhe lojtar i Huddersfield Toën në Angli, Florenti zgjodhi kthimin tek rrënjët e veta, në atdhe, për t’i vazhduar sukseset, tash në Kosovën tonë!
Pata kënaqësinë që sot ta prisja në takim Florent Hadërgjonaj, futbollistin me përvojë ndërkombëtare, i cili na gëzoi me vendimin për t’iu bashkuar ekipit tonë përfaqësues në futboll.
Faleminderit Florent!”, është shkrimi i kryeministrit Ramush Haradinaj.
(Kosova Sot Online)
