Zyrtare: Një tjetër ndarje në Superligën e Kosovës në futboll
FC Ballkani dhe Gani Sejdiu kanë ndarë rrugët, ani pse i shpëtuan rënies nga Ipko Superliga.
Trajneri i mirënjohur kosovar, Gani Sejdiu, nuk do të jetë pjesë e Ballkanit në edicionin e ardhshëm.
Lajmin e ka bërë të ditur klubi nga Therranda, Ballkani. Përmes një shkrimi në rrjetin social Facebook, Ballkani ka bërë të ditur se nuk ka arritur marrëveshje me Sejdiun për vazhdimin e kontratës.
Postimi i plotë në Facebook i FC Ballkani:
Ndajmë rrugët me trainerin Gani Sejdiu
Therandë,02 Qershor 2019 – Pas një takimi miqësor me trainerin Gani Sejdiu për të shikuar mundësitë për vazhdim të bashkëpunimit edhe për edicionin e ri,njoftojmë të gjithë se marrëveshja nuk është arritur.
FC Ballkani falenderon trainerin Gani Sejdiu për punën e tij të deritanishme me skuadrën tonë, duke i dëshiruar fat dhe sukses në të ardhmen.
(Kosova Sot Online)