Nuk mund të mungonin edhe anët komike të paradës së Liverpoolit – Klopp për pak sa nuk u rrëzua nga autobusi
Jurgen Klopp nuk është një trajner i zakonshëm. Ai është nga ata njerëz, me të cilët çdokush pëlqen të festojë.
Dhe pasi e kreu punën në mënyrën më të mirë të mundshme duke e fituar garën më të madhe për klube, Liverpooli doli për të festuar nëpër rrugët e qytetit, ndërsa strategu gjerman nuk mund të mungonte në këtë festë.
I ulur në fund dhe me një birrë në dorë, 51-vjeçari ishte në atmosferë festive, lëvizte vazhdimisht dhe ishte vetëm i qeshur.
Ndërsa nuk kanë munguar edhe momentet qesharake në gjithë këtë – ai për pak sa nuk u rrëzua në një çast kur autobusi u nis dhe u ndal përnjëherë.
Trajneri arriti për pak sekonda ta kthente baraspeshën dhe të vazhdonte paradën, të cilën e kanë pritur afro 500.000 tifozë.
(Kosova Sot Online)