Aliti: Në Bullgari shkojmë për tre pikë
Pas ndeshjes mbrojtësi I Kosovës, Fidan Aliti foli për media.
“Kemi bërë një ndeshje të mirë, patëm raste për golin e dytë dhe për të mbyllur ndeshjen. S’di çka të them. Më dhimben djemtë se kemi japur shumë”, tha Aliti.
Në pyetjen e gazetarit se a ka lidhje eksperienca me mënyrën se si ekipi nuk po arrin të përmbyll ndeshjet ai u përgjigj kështu:
“Nuk ma merr mendja që ka punë me eksperiencën. Po luajmë lojën që dimë, por ndoshta ka punë edhe fati. Mirëpo për të pasur fat në futboll duhet edhe punë e madhe”, tha ai.
“Shpresojmë për fat në lojën tjetër. Në Bullgari shkojmë për tre pikë”
Tutje ai shtoi se i gjithë ekipi është tejet i motivuar dhe se janë duke menduar tani për ndeshjen e ardhshme.
“Nesër bëjmë rigjenerimin e trupit dhe do futemi 100% në ndeshjen e ardhme”, shtoi për fund Fidan Aliti.
(Kosova Sot Online)