Ndeshjet më të rëndësishme që do të zhvillohen sot

Eliminatoret e kampionatit europian që do të zhvillohet në vitin 2020 vazhdojë këtë të martë me raundin e 4-t të ndeshjeve në grupe. Sot është dita e emrave të mëdhenj të futbollit europian, pasi në fushë do të zbresin Gjermania, Italia dhe Franca.

Sfidën më delikate e ka skuadra e Mancinit që në grupin J do të tentojë fitoren e 4-t në po kaq ndeshje me një sukses ndaj Bosnje Hercegovinës. Dzeko dhe Pjanic me shokë nuk po kalojnë një moment të mirë sepse pas barazimit ndaj Greqisë u mposhtën edhe nga Finlanda dhe vendi i dytë në grup nuk do të jetë një mision i lehtë për përfaqësuesen ballkanase.

Italia deri tani ka shënuar 11 gola në këto eliminatore dhe nuk ka pësuar asnjë, dhe do të kërkojë të ruajë portën të paprekur edhe përballë boshnjakëve. 

Në grupin C, Gjermania do të jetë sërish pa trajnerin Joachim Loë në stol i cili vazhdon të vuajë problemet shëndetësore, megjithatë misioni për të marrë tre pikët e rradhës në sfidën ndaj Estonisë nuk parashikohet i vështirë për Die Manschaft.

Në grupin H ku bën pjesë edhe Shqipëria, Franca ka një ndeshje të lehtë në letër ndaj Andorrës në transfertë dhe 3 pikët pas humbjes ndaj Turqisë parashikohen një formalitet, ndërkohë që sfida më interesante është ajo që do të zhvillohet në Islandë, mesa vendase dhe Turqisë, sfidë që i ka kaluar kufijtë sportivë.

(Kosova Sot Online)