Shpërblehet sërish Kosovare Asllani

  • 16 qershor 2019 - 22:25
Shpërblehet sërish Kosovare Asllani

Kosovare Asllani e Suedisë është shpallur edhe një herë futbollistja e ndeshjes në kuadër të Kampionatit Botëror të Futbollit për femra.

Kombëtarja e Suedisë në kategorinë e femrave ka fituar me rezultat bindës 5-1 ndaj Tajlandës në kuadër të Kupës së Botës.

Në këtë fitore të Suedisë shënoi edhe futbollistja shqiptare, Kosovare Asllani.

Ajo realizoi për 2-0 në minutën e 19’, derisa golin e parë e shënoi Linda Sembrant.

Golat tjerë për Suedinë i shënuan; Fridolina Rolfo (42’), Lina Hurting (81’) dhe Elin Rubensson (90’+6).

Golin e nderit për Tajlandën e shënoi Kanjana Sungngoen (90’+1).

Kombëtarja e Suedisë është liderë e Grupit F me gjashtë pikë pas dy takimeve, e ndjekur nga SHBA-ja me tri, kurse Kili dhe Tajlanda janë ende pa pikë.

Ky ishte goli i dytë i Kosovare Asllanit në Botërorin e femrave, pasi ka shënuar edhe në fitoren 2-0 të Suedinë kundër Kilit.

Për shkak të paraqitjes fantastike, ajo është shpallur edhe një herë futbollistja e ndeshjes, ashti si në takimin e parë.

(Kosova Sot Online)