Legjenda gjermane Matthuas: Besoj se Kosova do të kualifikohet në EURO 2020

  • 19 June 2019 - 15:19
Legjenda gjermane Matthuas: Besoj se Kosova do të kualifikohet në EURO 2020

Legjenda gjermane Lothar Matthaus ka mbajtur sot konferencë për media në Prishtinë, ku, në mesin e shumë gjëra të tjera, ka diskutuar edhe për mundësitë e Kosovës që të kualifikohet në Kampionatin Evropian 2020.

Ish-futbollisti legjendar i Kombëtares së Gjermanisë dhe Bayern Munichut, u prit në Prishtinë nga drejtuesit e “Teleperformance Deutchland” dhe nga tifozë të tij.

Gjatë kësaj vizite, ai tha edhe se përkundër që Kosova mund të marrë më pak pikë në ndeshjet kundër Republikës Çeke dhe Anglisë, prapëseprapë beson se Kosova do t’ia dalë të kualifikohet në EURO 2020.

“Kosova ka pasur disa lojë. Me Anglinë do ta ketë vështirë. Kosova e ka një skuadër që i beson njëri-tjetrit. Besoj se me Çekinë dhe me Anglinë do të ketë më pak pikë, por besoj që do t’ia dalë të kualifikohet”, është shprehur Matthaus.

Kosova aktualisht radhitet në pozitën e tretë në tabelën e Grupit A, me një pikë më pak sesa Anglia dhe Çekia, pas tri ndeshjeve të barazuara. Dy nga ndeshjet e Kosovës kanë përfunduar baras, ndërsa “Dardanët” arritën ta fitojë tjetrën, në Sofje kundër Bullgarisë.

Tabela e Grupit A:

Image

Për t’i rritur gjasat për kualifikim drejtpërdrejt nga ky grup, Kosova do ta zhvillojë së pari ndeshjen shumë të rëndësishme kundër Çekisë. Kjo ndeshje do të zhvillohet më 9 shtator në stadiumin “Fadil Vokrri” në Prishtinë.

Anglia ka më së shumti gjasa ta fitojë këtë grup, kështu që Kosova e ka kundërshtaren më të fortë për pozitën e dytë, që ta siguron kualifikimin në EURO 2020, Çekinë.

Megjithatë, edhe nëse nuk e zë njërën ndër dy pozitat e para në këtë grup, Kosova mund të kualifikohet përmes play-offs, ku e siguroi vendin në gjysmëfinale duke triumfuar në Grupin 3 të Ligës D në Ligën e Kombeve.

(Kosova Sot Online)