Orari i sportistëve kosovarë në Lojërat Evropiane “Minsk 2019”
Majlinda e Nora janë gati për startin e Lojërave të dyta Evropiane “Minsk 2019”
Ekipi nga Kosova do të marrë pjesë në “Minsk 2019” me 12 sportistë.
Sefte do t’ia bëjnë Majlinda Kelmendi, e cila në kategorinë -52 kg, do të përballet me fituesen e çiftit: Fabienne Kocher (Zvicër) – Reka Pupp (Hungari), pasi kampionia Olimpike e ka kaluar rrethin e parë pa luftë.
Majlinda Kelmendi pritet të garojë rreth orës 10:20
Po në këtë kohë, do të garojë edhe Nora Gjakova, në kategorinë -57 kg.
Edhe Nora rrethin e parë e ka kaluar pa luftë, ndërsa në të dytin pret fituesen e çiftit, Ulyana Minenkova (Bjellorusi) – Priscilla Gneto (Francë).
Garat e xhudos fillojnë në ora 10:00, ndërsa finalet zhvillohen prej orës 16:00.
Përveç Majlindës e Norës, sot do të garojnë edhe:
Pingpong
Ora 10:00, Fatih Karabaxhaku vs. Ewout Oostwouder (Holandë)
Boks
13:30 Patriot Behrami – Marko Zeljko (Kroaci), kategoria -69 kg
19:45: Ardit Delijaj – Gor Nersesyan (Armeni), -81 kg.
(Kosova Sot Online)