Kim thotë se ka pranuar një letër nga Trump
Lideri verikorean, Kim Jong Un ka pranuar një letër “të shkëlqyer” nga presidenti i Shteteve të Bashkuara, Donald Trump, raporton media shtetërore në Korenë e Veriut.
Megjithatë, përmbajtja e letrës nuk është bërë publike, por agjencia koreane e lajmeve, KCNA se Kim “tha se ishte i kënaqur me përmbajtjen e shkëlqyeshme të letrës”.
“Vlerësimi i aftësive gjykuese politike dhe guximi i jashtëzakonshëm i presidentit Trump, Kim Jong Un tha se do ta lexojë me vëmendje përmbajtjen interesante të letrës”, raportoi KCNA.
Këto komente janë në vazhdën e gjuhës që dy liderët kanë përdorur, lidhur me letrat që i kanë dërguar njëri-tjetrit.
Më 12 qershor, presidenti Trump deklaroi se ka pranuar “një letër të bukur” nga Kim.
“Sigurisht, nuk mund t’ua tregoj letrën, por është shumë personale, shumë e ngrohtë, një letër shumë e mirë”, u kishte thënë Trump gazetarëve.
Në shtator të vitit 2018, Trump kishte deklaruar se Kim “më ka shkruar letra shumë të bukura dhe shumë të mira”.
(Kosova Sot Online)