Milan, më apo pa yje në Kosovë – tregon organizatori

  • 24 June 2019 - 19:45
Milan, më apo pa yje në Kosovë – tregon organizatori

Më 10 gusht kampioni i Kosovës Feronikeli do të ballafaqohet me 7 herë kampionin e Evropës, Milanin.

Ndeshja është zyrtarizuar javën e kaluar nga Feronikeli, ndonëse ende nuk ka ndonjë konfirmim në faqen zyrtare të Milanit.

Agron Selimi është një nga organizatorët kryesor të kësaj ndeshje miqësore. Ai ka thënë se skuadra italiane do të vijë e kompletuar në Prishtinë.

“Milano do të vijë me krejt yjet për të luajtur me Feronikelin. Zyrtarë të klubit italian kanë qëndruar sot në Prishtinë për të vëzhguar stadiumin, hotelin e ambientet ku do të qëndrojnë” theksoi Selimi.

Ndeshja Feronikeli – Milan do të zhvillohet në stadiumin Fadil Vokrri. Interesimi qysh tash është shumë i lartë nga tifozët shqiptarë, sidomos nga përkrahësit e Milanit.

(Kosova Sot Online)