Arrihet marrëveshja: Kovacic në Chelsea për 45 milionë euro
Chelsea ka arritur marrëveshje me Real Madridin për blerjen e plotë të Mateo Kovacicit dhe tani pritet vetëm njoftimi zyrtar që konfirmon se mesfushori kroat do të jetë lojtar i të kaltërve me të drejta të plota.
Kovacic do t’i bashkohet klubit londinez për një shumë rreth 45 milionë euro, pasi një sezoni mbresëlënës si lojtar i huazuar nga Real Madridi në Stamford Bridge.
Chelsea ia doli ta përmbyllë marrëveshjen për kroatin pak ditë para se ndalesa e transferimeve e vendosur ndaj tij të hyjë në fuqi më 30 qershor.
Shitja e Kovacicit i ka konvenuar të gjitha palëve, pasi këtë e ka dashur klubi londinez, vetë lojtari dhe Real Madridi.
(Kosova Sot Online)