Tri klube të mëdha angleze rivalizojnë Milanin për Ceballosin

  • 04 korrik 2019 - 12:37
Tri klube të mëdha angleze rivalizojnë Milanin për Ceballosin

Dani Ceballos ka tre skuadra të Ligës Premier si opsione nëse largohet nga Real Madridi këtë verë, me Liverpoolin dhe Arsenalin që i janë bashkuar Tottenham Hotspurit në ndjekje të spanjollit.

Sipas gazetës AS, e ardhmja e Ceballos duhet të vendoset deri në javën e tretë të korrikut – dhe Spurs po udhëheqin garën para italianëve të Milanit.

Megjithatë,  gazeta Marca raporton se Liverpooli dhe Arsenali janë gjithashtu të etur për mesfushorin, i cili pritet të largohet nga Santiago Bernabeu në një sezon si huazim.

Ceballos kërkon futboll të rregullt në sezonin e ardhshëm përpara Euro 2020 dhe nuk ka të ngjarë të marrë atë në Madrid, por Spurs që pritet të shesin Christian Eriksenin, do të kenë një vend bosh në formacionin e Mauricio Pochettinos. 

Sipas gazetës Marca, Spurs dhe Madrid kanë marrëdhënie të mira dhe një transferim i përhershëm me opsion të riblerjes është gjithashtu një mundësi, por Arsenali shpreson të mundë fqinjët e tyre në nënshkrimin e lojtarit.

Unai Emery mund t’i ofrojë Ceballosit stilin e lojës që i përshtatet lojës së tij, por Topçinjtë nuk do të jenë të hapur ndaj Madridit për të mbajtur të drejtën e riblerjes në të ardhmen.

Ndërkohë, Liverpooli ka ngritur interesin e tyre në Ceballos në javët e fundit dhe janë të interesuar vetëm për një transferim të përhershëm.

Ceballos është një objektiv i mbështetur drejtpërdrejt nga Jurgen Klopp, pasi gjermani kërkon injektimin në mesfushën e Reds.

(Kosova Sot Online)