Juventusi rivalizohet fortë nga Napoli për Icardin

Juventusi u takua me Mauro Icardin për të shmangur konkurrencën nga Napoli, por sulmuesi i Interit po ndihet i hapur tani edhe për skuadrën nga San Paolo.

Ish-kapiteni i Interit është në treg pas rënies totale të raportit të tij me klubin dhe trajnerin e ri Antonio Conte.Por, gjetja e një destinacioni të ri po del të jetë e vështirë, madje edhe për një çmim shumë të reduktuar prej 60 milionë eurosh.Sipas gazetarit të Sky Sport Italia, Gianluca Di Marzio, Napoli është gati të bëjë ofertën tani dhe të përmbushë kërkesat e Interit, si dhe pagën e Icardin, por argjentinasi deri vonë e hodhi poshtë këtë ide.

Ai kishte shikimin e tij të vendosur në mënyrë të prerë te Juventusi, edhe pse gjatë ditëve të fundit, duket sikur ai filloi të hapet ndaj Napolit.Kjo mund të jetë arsyeja për drejtorin e Juventusit, Fabio Paratici, që fluturoi në Ibiza për një takim të shkurtër me Icardin dhe gruan/agjenten Wanda Nara të martën.

Paratici dhe Juventusi i kërkuan Icardit të prisnin, pasi para se të bënin një ofertë drejt Interit, ata duhet së pari të shesin Gonzalo Higuain dhe Mario Mandzukic për të mbledhur fonde. 

Kosova Sot Online )