Vera e Salahut: Skandali për ngacmim seksual dhe eliminimi tronditës me Egjipti
Kupa e Kombeve e Afrikës mund të kishte qenë skena për të shkëlqyer për Mohamed Salahun, mirëpo ai dhe bashkëlojtarët e tij bënë gabim të madh duke e mbështetur Amr Wardan. Pas eliminimit tronditës të Egjiptit në fazën e 1/8 të finales së Kupës së Kombeve të Afrikës kundër Afrikës së Jugut të shtunën, Mohamed Salah shkroi në Twitter për t’i falënderuar tifozët besnikë për mbështetjen e tyre, shkruan Goal.
Sulmuesi e bëri edhe një premtim: “Ne do të mësojmë nga gabimet që i kemi bërë”.
Tifozët shpresojnë sinqerisht se Salahu e shkroi atë mesazh duke iu referuar edhe gabimeve që Egjipti i ka bërë jashtë fushës së lojës.
Turneu ka qenë një dështim i madh për nikoqirët dhe yllin e tyre, i cili shënoi dy herë por nuk arriti të ketë ndikim në ndeshje, veçanërisht në disfatën 1:0 kundër Afrikës së Jugut.
Kjo disfatë bëri që Salahu dhe bashkëlojtarët e tij të përcilleshin me fishkëllima përderisa po dilnin nga fusha. Ishte një fund zhgënjyes në një rrugëtim që, siç e kishte theksuar ish-trajneri i Egjiptit, Javier Aguirre, mund t’ia kishte fituar yllit të Liverpoolit Topin e Artë.
Reagimi ndaj akuzave për ngacmime seksuale
Megjithatë, ajo që i ka zhgënjyer shumë tifozë, ka qenë mënyra se si Salahu ka reaguar ndaj skandalit për ngacmime seksuale, që e la nën hije rrugëtimin e Egjiptit në Kupën e Kombeve të Afrikës.
{393634/}
Para se të fillonte xhiroja e dytë e fazës së grupeve, Amr Warda u përjashtua nga skuadra pasi që Merhan Keller, modele britanike-egjiptiane, e akuzoi, duke ofruar dëshmi, mesfushorin si kishte abuzuar me të dhe disa gra të tjera.
Megjithatë, në vend se ta pranonte vendimin e Federatës së Futbollit të Egjiptit, i cili u mor me qëllim për ta ruajtur disiplinën dhe përqendrimin në skuadrën e Egjiptit, Salahu e sfidoi këtë vendim.
Si rezultat i mbështetjes së Salahut, Warda u lejua të rikthehet në skuadrës e Egjiptit për ndeshjen e fundit të fazës së grupeve të Egjiptit dhe për ndeshjen kundër Afrikës së Jugut në 1/8 e finales.
“Gratë duhet të trajtohej me respektin më të madh. “Jo” do të thotë “jo”. Këto gjëra janë dhe duhet të mbeten të shenjta. Unë gjithashtu besoj se ka shumë njerëz që kanë bërë gabime dhe ata mund të ndryshojë për të mirë dhe nuk duhet të ndëshkohen menjëherë, që do të ishte rruga më e lehtë për t’u marrë”, shkroi Salahu online.
“Ne duhet të besojmë në raste të dyta… ne duhet t’i udhëzojmë këta persona dhe t’i edukojmë ata. Përjashtimi i tyre nga shoqëria nuk është zgjidhja e duhur”.
Megjithatë, zgjidhja e duhur nuk ishte as shfuqizimi i vendimit të Federatës së Futbollit të Egjiptit.
Klubi portugez Feirense e kishte larguar nga skuadra Wardan në vitin 2017, pasi ai i kishte ngacmuar seksualisht gratë e dy ish-bashkëlojtarëve të tij. Ftesa e Egjiptit për të në Kupën e Kombeve të Afrikës ishte mundësia e tij e dytë dhe ai u përball sërish me të njëjtat akuza.
Për personat jashtë skuadrës së Egjiptit, dukej se Salahu po i prioritizonte gjasat e tij për ta fituar medaljen e artë të këtij turneu para se t’i dilte në mbështetje një gruaje që është përballur me ngacmim seksual.
Qëndrimi i Salahut nuk ishte vetëm ofendues. Ai ishte edhe i çuditshëm, marrë parasysh deklaratave që i kishte dhënë ai në mbështetje të grave në një intervistë për revistën Time, në prill.
“Mendoj se duhet ta ndryshojmë mënyrën se si i trajtojmë gratë në kulturën tonë. Nuk është ideale”, kishte thënë ai, pasi ishte zgjedhur njëri ndër 100 njerëzit me më së shumti ndikim në botë.
(Kosova Sot Online )
