Portieri i Tunizisë e kopjon Kepan, nuk pranon të zëvendësohet
Portierët rebelë janë bërë “trend” këtë vit. I fundit që e kopjoi Kepa Arrizabalagan e Chelseat ishte portieri i Tunizisë, i cili nuk pranoi të largohet nga fusha, as kur trajneri tentoi ta zëvendësojë atë.
Përballja e 1/8 të finales mes Tunizisë dhe Ganës në Kupën e Kombeve të Afrikës përfundoi me rezultat 1:1 edhe në kohën shtesë dhe fituesin e kësaj përballjeje e caktuan gjuajtjet e penalltive.
Trajneri Alain Giresse kishte planifikuar paraprakisht për gjuajtjet e penalltive dhe dëshiroi ta zëvendësojë Mouez Hassenin me portierin e dytë, Farouk Ben Mustapha.
We've seen this before....
— Eurosport UK (@Eurosport_UK) July 8, 2019
Tunisia goalkeeper Hassen Mouez does not want to go off, but unlike Kepa, he eventually makes way as Farouk Ben Mustapha comes on to face penalties against Ghana #AFCON pic.twitter.com/UsQNUML87A
Kur po afrohej fundi i kohës shtesë, Ben Mustapha ishte veshur me të gjitha pajisjet dhe ishte gati për të hyrë në lojë.
Mirëpo, kur Hassen e pa numrin e tij në tabelën e gjyqtarit të katërt, portieri filloi ta kundërshtojë me dorën e tij me zemërim, duke refuzuar të zëvendësohet.
Në fund, Hasseni vendosi t’ia plotësojë dëshirën trajnerit të tij. Vendimi i tij rezultoi të ketë qenë i duhuri pasi që Tunizia i fitoi penalltitë dhe u kualifikua në çerekfinale.
Ky incident u ktheu në vëmendje të shumë tifozëve incidentin gjatë finales së Carabao Cup në shkurt, mes Chelsea dhe Manchester Cityt.
Trajneri i Chelseat, Maurizio Sarri, kishte dashur ta zëvendësojë Kepa Arrizabalagan me Willy Caballeron për gjuajtjet e penalltive. Mirëpo, Kepa i refuzoi urdhrat e trajnerit para 80 mijë tifozëve të pranishëm në Wembley dhe në fund Chelsea i humbi penalltitë.
(Kosova Sot Online)