Rrahmani “njoftohet” me Pazzinin
Amir Rrahmani është takuar me sulmuesin italian, Giampaolo Pazzini, me të cilin i ka shkëmbyer disa fjalë në anglisht gjatë “njoftimit” të tyre para stërvitjes me Veronën
Amir Rrahmani po e zhvillon fazën parasezonale me Veronën, tek e cila u transferua javë më parë nga Dinamo Zagrebi.
Qendërmbrojtësi kosovar është takuar me pjesën tjetër të ekipit ditë më parë, ndërsa së fundmi është “njoftuar” me sulmuesin e rrezikshëm, Giampaolo Pazzini, i cili është rikthyer në këtë ekip pas huazimit prej një viti në Levante në La Liga.
Përfaqësuesi kosovar dhe ish-përfaqësuesi italian kanë folur dhe janë përshëndetur në gjuhën angleze duke e pasur parasysh se Rrahmani nuk flet italisht.
Videon e ka publikuar grupi “Hellaslive” në Instastory, të cilin më pas e ka shpërndarë edhe vetë futbollisti kosovar.
(Kosova Sot Online)