Nisin punimet për ndërtimin e Stadiumit Nacional të Kosovës

  • 12 korrik 2019 - 12:01
Nisin punimet për ndërtimin e Stadiumit Nacional të Kosovës

Sot kanë nisur punimet për stadiumin nacional të Kosovës. Zyrtari i lartë i Ministrisë së Sportit, Florim Kryeziu, i ka publikuar disa foto dhe një video ku shihen punimet që kanë nisur për jetësimin e stadiumit ultra-modern, që do të zhvillohet në afërsi të Drenasit

Stadiumi nacional i Kosovës ka nisur të jetësohet.

Në fakt, sot kanë nisur punimet për ndërtimin e stadiumit ultra-modern, i cili do të ndërtohet në magjistralen Prishtinë – Drenas.

Florim Kryeziu, udhëheqës i divizionit për infrastrukturë sportive në Ministrinë e Sportit i ka publikuar disa fotografi dhe një video në Facebook, ku shihet fillimi i punimeve në stadiumin kombëtar.

“Stadioni Kombëtar do bëhet”, ka shkruar zyrtari i lartë i MRKS-së.

Siç dihet, javë më parë ishte zbuluar projekti i stadiumit nacional, të cilin e ka dizajnuar një kompani turke, e cila e kishte fituar tenderin.

Image

Stadiumi nacional pritet të kushtojë afro 50 milionë euro.

 

 

Posted by Florim Kryeziu on Friday, July 12, 2019

(Kosova Sot Online)