Akil Gjakova i siguron medalje Kosovës, kualifikohet në finale

13 July 2019 - 15:43

Akil Gjakova i ka siguruar medalje Kosovws në “Grand Prix” të Budapestit. Xhudisti nga Kosova është kualifikuar në finale pasi e mundi garuesin nga Uzbekistani, Khikmatillokh.

Xhudisti nga Kosova, Akil Gjakova, është kualifikuar në finale të ‘Grand Prix’ që po mbahet në Budapest të Hungarisë, duke i siguruar medalje Kosovës.

Gjakova e mundi me ippon në gjysmëfinale garuesin nga Uzbekistani, Khikmatillokh Turaev, falë tri gabimeve të kundërshtarit.

Kujtojmë se rrethin e parë, Akili e kaloi pa luftë, kurse në atë të dytë me shumë mund e mposhti garuesin nga Kanada, Constantin Gabun me Ippon, para se të fitojë në rrethin e tretë kundër Nil Stump.

Akili tregoi se dëshiron medalje, kur në çerekfinale e mundi xhudistin japonez, Masashi Ebinuma, para se ta sigurojë atë në gjysmëfinale, duke e mundur garuesin nga Uzbekistani, Khikmatillokh Turaev.

Akili tani do të luftojë pë medaljen e artë.

Në finale, xhudisti kosovar do të ketë punë me xhudistin rus, Georgii Ruselbakiev.