Maguire për 80 milionë funte në Manchester United, të hënën testet mjekësore

Përfundon gjithçka, Harry Maguire do të kompletojë transferimin nga Leicester City te “Djajtë e Kuq” për 80 milionë funte.

Sipas The Sun, Manchester United ka arritur marrëveshje me Leicester City për transferimin e qendërmbrojtësit, Harry Maguire, për 80 milionë funte.

Kështu, 26-vjeçari, dikur dëshirë e madhe e Pep Guardiolës – do të shndërrohet në mbrojtësin më të shtrenjtë në histori.

Raportohet se Harry Maguire do të kompletojë transferimin te “Djajtë e Kuq” të hënën kur edhe do t’i kryejë testet mjekësore.

Mësohet se Unitedi do të paguajë 60 milionë funte në fillim, plus 20 milionë shtesë. 

(Kosova Sot Online)