Ronaldo zgjidhet sportisti më i adhuruar në botë
Cristiano Ronaldo është zgjedhur sportisti më i adhuruar në botë për këtë vit, sipas një studimi të fundit të realizuar nga YouGov.
YouGov i publikohet listat e vajzave dhe djemve më të adhuruar në botë çdo vit dhe mbi 42 mijë njerëz nga 41 vende konsultohen për të arritur deri te lista përfundimtare.
Pesë-herë fituesi i Topit të Artë, Ronaldo, është atleti i ranguar më së miri në botë, duke u ngjitur për tri vende më lart. Ai është i radhitur në pozitën e shtatë, dy vende më lart se rivali i tij, Lionel Messi.
Edhe Ronaldo, edhe Messi, e kanë dominuar botën e futbollit gjatë viteve të fundit dhe ata janë më të adhuruar në botë sesa presidenti i Shteteve të Bashkuara të Amerikës, Donald Trump, dhe Papa Françesku.
Worlds Most Admired 2019. Our annual series, conducted this year in 41 countries, finds the most admired figures are:
— YouGov (@YouGov) July 18, 2019
Woman
1. Michelle Obama (+1)
2. Oprah Winfrey (+1)
3. Angelina Jolie (-2)
Man
1. Bill Gates (-)
2. Barack Obama (-)
3. Jackie Chan (-)https://t.co/hY0K2Vf8F9 pic.twitter.com/54m4A3H9hu
Përderisa kjo dyshe është vazhdimisht në garë për tituj individual dhe trofe me skuadrat e tyre, ata kanë edhe shumë respekt për njëri-tjetrin.
Në fakt, muajin e kaluar, Messi e pranoi haptazi se atij i mungonte Ronaldo në La Liga, pasi portugezi u transferua në Serie A te Juventusi gjatë afatit kalimtar të verës së kaluar.
“Natyrisht që më mungon Ronaldo, ai e bënte Real Madridin më të fortë. Unë thashë se ata do ta vërejnë largimin e Cristianos, ashtu siç do t’i kishte ndodhur secilës skuadër”, kishte thënë Messi në një intervistë për Fox Sports.
(Kosova Sot Online)