A është kjo një nga ngulitjet më monstruoze që keni parë ndonjëherë?

  • 21 July 2019 - 21:53
A është kjo një nga ngulitjet më monstruoze që keni parë ndonjëherë?

NBA njihet si një vend ku ndodhin gjëra spektakulare.

Në ligën amerikane të basketbollit janë të mbedhur lojtarët më të mirë nga e gjithë globi dhe është e kuptueshme që aty ndodhin gjëra të pabesueshme.

Videoja në fjalë vjen nga viti 2015.

Ishte duke u zhvilluar ndeshja mes Dallas Mavericks dhe Charlotte Hornets kur në një kundërsulm lojtari tanimë i pensionuar Richard Jefferson kishte arritur që të ngulitet përmbi njërin ndër mbrojtësit më të mirë në ligë atë kohë, Michael Kidd-Gilchrist.

Shënimi ishte spektakular sa madje edhe lojtarët e stolit kundërshtar reaguan. i gjithë publiku ishte ngritur në këmbë duke dhënë ovacione për këtë veprim.

Por mëkat i madh ishte se gjyqtari i kësaj loje kishte referuar për një faull në sulm. Në përsëritje shihet qartë se nuk kishte asnjë gabim në këtë aksion por që vendimi mbetet.

Gjithsesi kjo ngultije mbetet në mendjet e basketbolldashësve.


(Kosova Sot Online)