Reali ofron 90 milionë euro + dhuratë Balen për Neymarin

  • 22 July 2019 - 18:49
Reali ofron 90 milionë euro + dhuratë Balen për Neymarin

“Los Blancos” ia kanë mësyrë seriozisht sulmuesit brazilian dhe janë të gatshëm ta sakrifikojnë yllin uellsian plus 90 milionë euro për ta bindur pronarin e PSG-sës, Al Khelaifi që t’ia shesë yllin brazilian

Neymar në Real Madrid, një mundësi që po rritet gjithnjë e më shumë.

Sipas mediave spanjolle, “Los Blancos” e kanë marrë seriozisht transferimin e yllit brazilian në “Santiago Bernabeu”.

E përditshmja spanjolle “Mundo Deportivo” shkruan se Reali ia ka bërë Paris Saint-Germainit një ofertë të avancuar: 90 milionë euro plus kartonin e Gareth Bale.

Natyrisht, ëndërr e Neymarit është të kthehet në Barcelonë, por duke e parë transferimin e Griezmannit, ky transfer është komplikuar.

Flitej për një transferim të mundshëm të Neymarit edhe në Juventus, por për momentin klubet spanjolle duken favorite për ish-futbollistin e Santosit.

Por, një gjë tashmë është e qartë: Neymar dëshiron të largohet nga PSG-ja.

Këtë e ka thënë vetë ai, por edhe menaxheri i tij, Pini Zahavi.

“Neymar nuk është i lumtur në PSG”, kishte menaxheri i tij.

Për ta zgjidhur këtë çështje, çelës për Real Madridin duket të jetë Gareth Bale, i cili nuk bën pjesë në planet e trajnerit Zidane.

Pas Hazardit, një tjetër yll botëror mund ta vesh fanellën e bardhë nga sezoni i ardhshëm.

(Kosova Sot Online)