Hazard: Në Real Madrid duhet të fitosh trofe çdo vit
Eden Hazard e kupton përgjegjësinë e të qenet lojtar i Real Madridit dhe rëndësinë e madhe që titujt e kanë në këtë klub.
Anësori belg, i cili iu bashkua të bardhëve këtë verë nga Chelsea, theksoi se në Real Madrid është shumë e rëndësishme të fitosh tituj çdo vit.
Reali pati një sezon të vështirë 2018/19, pasi përfundoi në vendin e tretë në La Liga ndërkohë që rivali i moçëm Barcelona fitoi titullin, u eliminua nga Luga e Kampionëve në 1/8 e finales dhe humbi në gjysmëfinale të Kupës së Mbretit.
Hazard – i cili e udhëhoqi Chelsean drejt lavdisë në Ligën e Evropës sezonin e kaluar – e kupton rëndësinë e titujve në Santiago Bernabeu.
“Kur luan për Real Madridin duhet të fitosh tituj çdo vit. Duhet të fitosh, fitosh, fitosh”, tha Hazard
“Nëse s’e fiton Ligën e Kampionëve, tifozët zhgënjehen dhe kjo është e pritshme. Në këtë klub gjithmonë dëshiron të fitosh prandaj dhe jam këtu”, theksoi ai.
(Kosova Sot Online)