Politika bllokon sportin në Shqipëri, nuk licencohet “Arena Kombëtare” – ndërhyn UEFA!

  • 26 korrik 2019 - 17:28
Politika bllokon sportin në Shqipëri, nuk licencohet “Arena Kombëtare” – ndërhyn UEFA!

Stadiumi “Arena Kombëtare” mund të mos licencohet nga UEFA për ndeshjet kundër Islandës me 10 shtator.

Institucioni më i madh i futbollit në Evropë ka bërë me dije se duhet të përfundohet Sheshi para stadiumit në mënyrë që impianti të licencohet.

Shembja e objekteve afër stadiumit ka ndodhur, por ende nuk është bërë tenderi që planifikon nisjen punimeve për rregullimin e Sheshit.

Bashkia e Tiranës dhe Fondi Shqiptar i Zhvillimit mund të pengojnë licencimin e stadiumit.

FSHF-ja është merakosur pasi ka mundësi që sfida me ishulloret të luhet në “Elbasan Arena” zbulon Ora News.

Stadiumi është drejt përfundimit, pasi me 5 gushti shtrohet tapeti, ndërsa me 15 gusht përfundon vendosja e stolave, por ja që politika po del të jetë pengesë.

(Kosova Sot Online)