Bale e rivalizon Messin me pagë
Gareth Bale pritet ta rivalizojë Lionel Messin si lojtari më i paguar në botë pasi ka arritur marrëveshje trevjeçare me klubin nga Superliga e Kinës, Jiangsu Suning.
Uellsiani do të paguhet 1.2 milion euro në javë, pati dyfishi i shumës që e merr momentalisht te Real Madridi.
Vetëm Messi, i cili paguhet rreth 1.3 milion euro në javë në Barcelonë, do të fitojë më shumë se Bale në botën e futbollit.
Jiangsu Suning, me bazë në Nanjing, në lindje të Kinës, renditet në vendin e gjashtë momentalisht në Superligën e Kinës dhe në të kaluar është udhëhequr nga trajneri italian Fabio Capello.
Sipas mediave në Angli, Bale mund të debutojë për Jiangsu të premten e ardhshme ndaj Guangzhou R&F.
(Kosova Sot Online)