Bayerni e do huazimin e Coutinhos për dy vjet

Gjiganti bavarez duket i vendosur për ta transferuar mesfushorin brazilian të Barcelonës.

Pasi i siguroi shërbimet e Ivan Perisicit, Bayern Munichu i ka hedhur sytë kah Spanja.

Gjiganti bavarez ia ka vënë syrin mesfushorit ofanziv të Barcelonës, Philippe Coutinho.

E përditshmja spanjolle “Mundo Deportivo” shkruan se kampioni gjerman ia ka kërkuar gjigantit katalunas futbollistin në formë huazimi për dy vjet, me mundësi blerjeje përfundimtare më pas.

Oferta e parë e Bayernit nuk ka qenë e kënaqshme për Barcelonën.

Megjithatë, kampioni spanjoll është i interesuar ta huazojë futbollistin, i cili shfaqi formë të zbehtë në Camp Nou deri më tash.

Derisa Bayerni duhet ta përmirësojë ofertën fillestare, Paris Saint-Germaini e ka në opsion Coutinhon si pjesë e marrëveshjes për transferimin e Neymarit.

(Kosova Sot Online)