PSG i do Dembelen e Coutinhon për Neymarin
Gjiganti francez i ka vendosur kushtet e veta për largimin e yllit brazilian
Paris Saint Germain është i vetëdijshëm se këtë verë mund të mbetet pa yllin e vetë, Neymar.
Mirëpo, gjiganti francez është i gatshëm ta lirojë sulmuesin brazilian vetëm me kushte.
Në fakt, për ish-futbollistin e Santosit interesim kanë shfaqur Barcelona, e cila dëshiron ta rikthejë atë në Camp Nou, por edhe Real Madridi.
Dhe, klubi parisien është i gatshëm ta lëshojë Neymarin vetëm me kusht që nga Barça e merr dyshen Philippe Coutinho e Ousmane Dembele.
Lajmin e ka bërë të ditur “Diario Sport”.
Gjiganti nga Ligue 1 e vlerëson brazilianin 222 milionë euro, aq sa e kishte blerë nga gjiganti katalunas dhe konsideron se dyshja e Barçës do ta mbërrinte këtë shifër për t’u ndërruar kokë më kokë.
Barça është e gatshme ta japë Coutinhon, por jo edhe Dembelen.
Sidoqoftë, kampioni spanjoll beson shumë se javën tjetër do ta bëjë të vetin Neymarin.
(Kosova Sot Online)