Nis IPKO Superliga, 4 ekipe bien nga liga, 3 shkojnë në Evropë
Këtë fundjavë do të fillojë sezoni i ri i IPKO Superligës së Kosovës në futboll
Sezoni i ri i IPKO Superligës së Kosovës në futboll pritet të jetë më interesant se kurrë më parë.
Këtë fundjavë do të nisë edicioni i ri 2019/2020, i fundit me 12 skuadra dhe për herë të parë në histori me 3 ekipe në Evropë.
Në fakt, këtë sezon nga elita e futbollit kosovar do të bien katër skuadra dhe do të futen dy, që nënkupton se nga sezoni 2020/21 në Superligë do të garojnë 10 ekipe.
Ndërkohë, nga edicioni i ardhshëm në garat evropiane do të marrin pjesë tri ekipe, një më shumë se në tri sezonet e fundit.
Përforcimet që i bënë skuadrat gjatë verës premtojnë një kampionat më cilësor, por edhe më interesant dhe dramatik, si në dy sezonet e fundit, kur kampioni u përcaktua në fund.
Tri ndeshje të xhiros së parë do të luhen të shtunën e tri të tjera të dielën.
Të shtunën do t’i shohim dy derbi lokalë, ai Flamurtari – Prishtina dhe Feronikeli – Drenica.
Dueli i tretë i së dielës është ai në mes të Llapit dhe të rikthyerës në Superligë, Vushtrria.
Të dielën, Drita do t’i gostisë fqinjët e Ferizajt, kurse Trepça ’89 është mikpritëse e skuadrës tjetër nga qyteti i Gjilanit.
E dueli i fundit i kësaj jave është ai në mes të të inkuadruarit në Superligë, Dukagjini dhe Ballkanit. /Gazeta Express/
IPKO Superliga – Java e parë
E shtunë 17:00 Feronikeli – Drenica (SSK2)
E shtunë 17:00 Flamurtari – Prishtina (SSK3)
E shtunë 17:00 Llapi – Vushtrria
E diel 17:00 Drita – Ferizaj (SSK3)
E diel 17:00 Trepça’89 – Gjilani (SSK2)
E diel 17:00 Dukagjini – Ballkani
(Kosova Sot Online)